कक्राझार जिल्लानि बासुगावआव 1952 माय़थाइनि 16 नबेम्बर खालि बर' थुनलाइ आफाद जोनोम जादोंमोन। बि समनिफ्राइ बर' थुनलाइ आफादा बर' हारिखौ सांग्रां खालामनाइनि लोगोसे बर' थुनलाइनि थाखाइ खामानि मावबोदों। बर' थुनलाइ आफादनि नांथाबनाय़ाव 1963 माय़थाइआव बर' रावखौ प्राइमारी फराइसालिआव थिसननाइ जाय़ो बिदिनो 1968 माय़थाइआव सेकेण्डारी फराइसालिआव। बिनि अनगाय़ैबो 1985 माय़थाइआव बर' राव आरो थुनलाइखौ गुवाहाटी, डिब्रुगड़ आरो सा-सानजा इउनिभारछितिफोरा मडार्ण इण्डिय़ान लेंगुवेज महरै गनाय़ना लाय़ो। बिनि उनावनो बर' रावखौ असमनि एस'सिय़ेतेद अफिछिय़ेल ष्टेट लेंगुवेज महरै गनाय़नाइ जाय़ो। 1996 माय़थाइआव गुवाहाटी इउनिभारछितिआ प'ष्ट ग्रेजुवेत थाखोआवबो बर' रावखौ थिसनो। बर' थुनलाइ आफादा दासिम गोबां बिजाब दिहुननाइनि लोगोसे लितगिरि, सुजुगिरिफोरखौ थुलुंगा होबोदों। बर' थुनलाइ आफादा जेब्लाबो साबसिनै खामानि मावलांनो हाथों बिखौनो हास्थाय़ो।

बर' थुनलाइ आफादनि आफादगिरिफोर जय़ भद्र हागजेर 1952-1966 सतिस चन्द्र बसुमटारी 1966-1968 गौरि कान्त ब्रह्म 1968-1974 रामदास बसुमटारी 1974-1977 लाखेस्बर व्रह्म 1977-1980 रामदास बसुमटारी 1980-1983 ज'गेन्द्र कुमार बसुमटारी 1983-1990 कमल कान्त ब्रह्म 1990-1993 म'नि राम म'सारी 1993-1996 बिनेस्बर ब्रह्म 1996-2000 (आगष्ट) दलेस्बर बर' (मावफुं) 2000-2002 (आगष्ट) ब्रजेन्द्र कुमार ब्रह्म 2002-2008 डः कामेस्बर ब्रह्म 2008-

बर' थुनलाइ आफादनि नेहाथारीफोर स'नाराम थावसेन 1952-1956 गौरि कान्त ब्रह्म 1956-1968 तरुन फुकन बसुमटारी 1968-1971 बिहु राम बर' 1971-1974 रनेस्बर बसुमटारी 1974-1977 बिहु राम बर' 1977-1990 बिनेस्बर ब्रह्म 1990-1993 ग'पिनाथ बरगय़ारी 1993-2002 राजेन खाखलारी 2002-2005 ग'बिन्द बसुमटारी 2005-2008 कमला कान्त मसाहारी 2008-

      बर' थुनलाइ आफादनि वेबछाइटः- www.bodosahityasabha.org